قلت لكم راح أكتب عن العروض كل ما حصل لي أو طفشت، أو كان فيه قصة ... ما يهم أنا بأي مود الآن، بس أنه جا ببالي إني أكتب عن واحد من عروض لندن، اللي هو عرض شارلز أنستازي.
العرض كان فيها أشياء كثيرة حلوة، و أشياء بعد من أهم "تريند" للخريف الجاي. يعني فيه مخمل، ملابس عليها طبعات حيوانات. بس فيه شيء كان مميز و أثارني اللي هو صفة الملابس اللي كأنها ملابس نوم. ما أعرف مع الشعر و المكياج، حسيت العارضات صدق كأنهم قايمات من نص النوم (شوي خايفات)، ما يهم بس الفكرة مثيرة.
ما أعرف إن كانت الحركة هذي راح تنتشر بأكثر من عرض و مجموعة، زي حركة البيجاما اللي طلعت قبل يمكن سنة أو أكثر بعرض لدولتشي آن قابانا أو دي آن جي ناسية، و صارت تطلع بأكثر من عرض من ذيك السنة.
عجبتني الفكرة ما أعرف مين ممكن راح يلبسها بس أحسها حلوة مرة، خصوصا الفساتين الطويلة.
بشكل عام إن كان فيه أحد راح يلبسها من السلبرتي أتوقع أليكسا شونق، أو إليزبيث لوكاس.
شرايكم بالقطع هذي؟ ممكن تلبسون شيء زي كذا؟
ليست هناك تعليقات:
إرسال تعليق