الاثنين، 31 يناير 2011

The Kids wears Prada

الإسبوع الي فات كان إسبوع الأوت كتو ... ما كتبت عنه، أولا ما لقيت عرض مميز، كان فيه فساتين حلوة، بس مو عرض كامل مميز، و جا موضوع جدة، فقررت إني ما أكتب شي الفترة الي فاتت، بس أكيد بيكون فيه كلام عن فساتين الأوت كتو الفترة الجاية، خصوصا مع موسم الجوائز.
و على طاري أمس موسم الجوائز، أمس كان فيه ساق، و الساق هذي المرة أساسا ما جاه ناس (كشخة)، فاللبس كان عادي، أكثر وحده عجبتني هي هايلي ستينفيلد.


قلت لكم قبل إن هايلي هي البزر الجديد الي طالع على الساحة، و أنه وارد إني أكتب عنها. أمس هايلي جاية للساق، و لابسة برادا من مجموعة الربيع لعام 2011. هايلي بعد إيل فانينق جت تثبت لنا أنه ما يحتاج الواحد يكون بالثلاثين و فوق علشان يلبس فستان من برادا، أو أوت كتو من فالنتينو. عجبني شكل هايلي مرة، ألوان الفستان و قصته، شعرها، الخاتم اللي كأنه طالع مع حلو (مصغرها، عمرها بس 14). و بعد المناكير الفوشيا.
مو أول مرة تلبس هايلي لبس حلو، بالقولدين قلوب، للي لسا ما شاف الصور كاملة، أو ما شاف الحفل، هايلي كانت جاية، و لبست بعد من جموعة الربيع لباربل قرونق، و شايلة معها كلتش فيروزية، و شعرها مسرح تسريحة صغار.