الجمعة، 27 أغسطس، 2010

Under 600

وقفت الزواجات شوي، و بترجع بعد رمضان و تجي متفرقة إلى ما يجي عيد الأضحى ثم تكثر من جديد، طبعا ما فيه أحد ما جرب معاناة ملابس الزواجات و أنا وحدة منهم :) حتى بعد الإنترنت ... المهم و أنا أدور لي كثير فساتين كانت تعجبني بالعروض اكتشف إنها مو قطعة وحدة، و لا أقدر أطولها كذا ... فاليوم لما جاني إيميل من توب شوب فكرت أنه أكتب عن أنك تلبسين فستان حلو لزواج بأقل من 600 ريال.


الفستان الأول ما أعرف وش حسيته، لا هو رودارتي و لا مارك جايكوبز، و لا حتى الديور ... بس شي ناعم و قصير و نفس الشي التوب الي حطيته تحت هذا الفستان الرمادي أعطاه شوي لمسة حفلات شوي مع هذا القليتير، و أكيد الشيفون ...


اللوك هذا غير أنه أرخص، أنا شخصيا أفضلة لنفسي، مع جزم بلاتفورم ... و سلاسل ذهبية كبيرة، مستحيل تخطين فيه بأي زواج أو حفلة.