الأربعاء، 25 أغسطس، 2010

Summer Does Not End Yet

لما شفت هذي الصورة لوحدة ما أعرفها (من هذولا الي يدوجون بشوارع العالم) أظن أوسلو ... المهم ما يهمنا، لبس هذي البنت مو ذكرني، ما يحتاج أتذكر بس اقفل المكيف و أعرف أنه الدنيا تحترق عندنا، بس البنت ذكرتني أنه فيه أشياء حلوة كثير بالصيف ... من القبعة (طبعا تعرفون إني أحب القبعات) و شعرها حلو مرة، الفيزبيل برا، و التنورة الزرقاء الميدي كلها تخليك تتمنى تطلع يجو صيفي حلو و تخلي موية ترش عليك ...
طبعا حطيت صورة البنت مو بس لأنها أعجبتني ... حطيتها لأنه لبسها و خصوصا التوب الي هي مسويته زي ما تقول، أعطني إلهام كيف ألبس بودي سوت من اسحاق ميزراحي أصفر نيون (ما راح أقولكم وش طلع ببالي لحد ما تتخمر الفكرة :) بس هنا بأوريكم أحلي أشياء الصيف الي أبغاها تكون عندي من هذا الصيف و منها البودي سوت


زي ما قلت لكم البودي سوت هذا من ميزراحي ... و هو الي خلاني أكتب بالأساس عن هذا الشي لأني أبغى ألقى له حل، البودي هو من مجموعة صيف و ربيع 2009 و هنا المجموعة كاملة و فيها هذا البودي بألوان مختلفة.

الشي الثاني هذا الخاتم ... الخاتم هذا عاجبني قوة، قلت لكم أكثر من مرة إني ودي بخاتم كبير، و أظن هذا الخاتم هو الخاتم الي ببالي :) الخاتم مو بس يصلح للصيف، بس مع الحجر الفيروزي و اللون الذهبي أكيد بيكون حلو للصيف ... أما الحجر البني هذا فعاطيه لمسة خريف شوي ... بس هو خاتم بكل الأحوال يعني ألبسه زي ما تبغى.

الثالث مناكير فيروزي (إيه منال مناكير فيروزي:) فريت كل مكان هنا و لا لقيت، فقر الله لا يبلانا، و ما لقيت إلا بالنت، أظن المناكير الفيروزي من أحسن الأشياء بهذا الصيف ..