الجمعة، 17 أكتوبر، 2008

حصاد الأسبوع p:

الأسبوع الرابع .. كملنا شهر مع أحسن الموضة كل أسبوع .. هذا الأسبوع أقترحت علي أختي أني ألغيه بسبب الخروج عن السيطرة .. اللبس هالمرة واااااو ة اتعبت و انا أختار
المركز الأول فيكي .. فيكتوريا بيكام الإسبوع هذا فيكتوريا "تجاوزت الحدود" لبسها وااااااو و كل لبس يقول للي قبله أنا أحسن منك .. اللبس هذا أول لبس لابسته بالأسبوع و كان بمطار إل أي .. أخترته لاعتبارات نذكرها بمواضيع ثانية ...

المركز الثاني غوينيث بالترو .. غوينيث مثل فيكتوريا قد دخلت القائمة قبل .. شكلها لندني مرة خصوصا مع الألوان الغامقة و البالطوات .. الشي المميز هالمرة غير شكل خصوصا مع البرمودا هذا .. الجزمة غير شكل أختيارها صراحة ذووووق.

المركز الثالث هذي المرة غيييييييييييييييييير أول مرة ندخل رجل .. كان في اقتراح غيره بس هو كالعادة طلع بلبس live runway دايفيد بيكام يعجبني كيف يدخل الكاجول ع الرسمي ... فوق شكل و تحت شكل ثاني .. أكثر شي عجبني مع الجنز الباغي هو الحزام النحيف مرة ... و كمان الجزم طالعة شكل ثاني.


بالمركز الرابع الأسبوع هذا ماغي غولينهال طالع شكلها مرتب مرة، و بطلت فيه شكل المريضة، فستانها حلو خصوصا من تحت .. ممكن أكثر شي حلو طلتها .. و القصة الجديدة الي مخليتها نظيفة (القصة تصلح لوك مرة فوق 30).

المركز الأخيرشيناي قرايمز الممثلة الكندية بمسلسل 90210 .. بلوك بناتي قوة أكثر شي عجبني البلوفر، أحب هذي البلوفرات و خصوصا مع نقشاتها الألبية، صح ألوانها مو ألبية بس حلو .. الآيس هات كمان مميزة و موجودة كثير بعرض موسكينو شيك أن شيب .. نفس الشي على لون الجينز، الشنطة، الجاكيت الجلد و البوت ..


الأسبوع هذا غير إنه صار يوم الجمعة زي ما قلنا و كايتي طلعت أول مرة من القائمة :) .. كان فيه فيه أنه يصير أسبوع عائلي بدل دايفيد كنت مرشحة جاكي غولينهال أخو ماغي، الي طلع بلندن بلبس حلو .. بس دايفيد كان أحلى ..