Try This #2

تتذكرون لما كتبت try this الحلقة الأولى :). صراحة من بديت السلسلة ما حطيت ببالي إني أكتبها بشكل دوري، بس إني أكتبها متى ما تجمعت عندي أكثر من فكرة أعتقد إنها زي ما قلت لكم قبل حلوة، و لا تحتاج تشترون شيء جديد لها (على الأغلب).

المرة هذي صراحة ما توقعت إني ممكن ألقى أفكار تخليني أقدر أكتب تدوينة محترمة بهذي السلسلة، لكني مبسوطة و متحمسة على الأفكار اللي عندي اليوم (لو ما كنتوا سويتها أو شفتوها قبل).

• أول شيء أعجبتني هذي المرأة (ما أعرف مين) بس أعجبني إنها لابسة القميص بالقلب. أظن لو كنتوا تعتقدون أنه ما عندكم شيء جديد، جربوا تلبسون قميص بالقلب، زي اللي مسويته هذي المرأة مع تنورة أو حتى مع جينز أو حتى مع بنطلون، أحسه بيطلع حلو. 
• يسار فوق موضة مو جديدة أبدا، بس لو ما فكرتوا فيها قبل، و إذا كنتوا تعتقدون إن لبسكم مو مثير، جربوا تلبسون كل الأساور اللي عندكم و تخلونها هي مركز اللبس. 
• آخر شيء يمكنه أكثر شيء حبيته، جيسيكا هارت (عارضة) أعجبني كيف إنها خلت فستان (المفترض يكون لبس سهرة) لبس يصلح لمناسبة نهارية بس لما ربطت على رقبتها سكارف حرير. من الصورة تمنيت إني عندي فستان سترابليس علشان أجرب ألبسه كذا. 

Try This

من الأشياء اللي قررت أكتب عنها أشياء أعجبتني (أعرف ما فيه جديد بالموضوع) لكن أشوف إنها ما تستاهل تدوينة كاملة عنها، فابحاول أجمعها بتدوينة وحدة. بأحاول بعد أخليها أفكار مو مكلفة، بس ممكن تضيف أو تغير كثير بطريقة لبسك. 

راح أخليها كله تحت تاق try this. 

أول شيء خلينا نبدأ بموضوع  إني أشوف بعض المرات أشياء سخيفة (أعتذر إذا كانت تعجب أحد) لكني أعتقد إنها سخيفة، الفراغ هو اللي يخليني أشوفها، أو بعض المرات الحظ البايخ.

• الصورة الأولى فوق من اليمين هي صورة إيميلي فان كامب من مسلسل ريفانج (و هو اللي أعتذر لكم إني جالسة أشوفه). الصورة من حلقة بالموسم الأول إيملي جالسة بالباثيو حق بيتها و لابسة هذا الفستان، الفكرة بالنسبة لي مو الفستان، اللي عجبني إنها لابسة الحزام بالقلب، أعتقد إنها فكرة تستاهل الواحد يجربها، و أظن إنها بتغير بشكل اللبس بشكل مرة حلو. 
• الشيء الثاني اللي أشوف إنه يستحق التجريب خو اللونين هذي مع بعض (الصورة اللي فوق يسار) شفت اللبس هذا من فيديو لماركة إيتش آند إم الجديدة (الغالية) إسمها آند أوذير ستوريز (لو ما سمعتوا فيها قبل) عجبني اللون الأحمر مع الأخضر، أظن أنه بيعطي حياة للبس. 
• آخر شيء، أعتقد فلات عليها طبعات فهد (ليبورد) شيء مهم بدولاب أي أحد. يطلع حلو مع كل شيء٬ سكيني جينز، فستان ماكسي، و حتى تنورة طويلة. أتذكر إني شفت مقابلة لمصممة جي كرو جينا ليون قالت فيه إنها تعتبر طبعات الفهد لون محايد، أنا بعد أوافقها :).