Best Dressed: May 2014

ما أعتقد إنه قد صار عندي شهر "أفخم" من هذا الشهر، قصدي طبعا خيارات الملابس، كل اللي صار عندي بالنهاية ملابس سهرة و على إني ما أظن فيه ألوان كثيرة، بس أعتقد الخيارات بالنهاية مختلفة، و تناسب ناس مختلفين. طبعا ما يحتاج أعيد أنه الشهر اللي فات كان الشهر اللي فيه ميت قالا و مهرجان كان، و بريميرات لكم فيلم صيفي.  

صراحة ما قدرت ما أحط إيل فانينق بتصويت هذا الشهر. بالصورة هذي إيل لابسة لجورج حبيقة، إيل و أنجلينا جولي جالسين يروجون لفيلم مالفيسينت، (أظن إني راح أتكلم عنهم بشكل منفصل بعدين). مصمم لبناني ثاني موجود بالقائمة هو جورج شقرا على فان بينق بينق (الثاني من اليسار فوق) ، مشكلتي الوحيد مع اللبس هذا أنه شوي طويل، بس يظل حلو، ما أقدر أتجاهله. بما إننا نتكلم عن الأبيض خلونا نتكلم عن كايت بلانشيت برالف لورين، صراحة هذي المرأة أناقة بشكل إنسان.

مو قلت لكم راح أتكلم عن أكثر من فستان أحمر، هذولا هم٬ أريزونا ميوز برالف آن روسو كتور، و مونيكا بالوتشي بدولتشي آن قابانا آلتا مودا.
ما يحتاج أتكلم عن نتاشا پولي، لأني قد تكلمت عن هذي المرأة و كيف إنها صدق عارضة، الصورة يمكن مو واضحة، بس كبروها للتفاصيل.

من أحسن لبس لشهر مايو 2014؟

إيل فانينق بجورج حبيقة

أريزونا ميوز برالف آن روسو كتور

فان بينق بينق بجورج شفرا

نايومي كامبل بأليكساندير ماكوين

كايت بلانشيت برالف لورين

نتاشا بولي بفيونيه كتور

أنجلينا جولي بأتلييه ڤيرساتشي

مونيكا بالوتشي بدولتشي آن قابانا ألتا مودا

Poll Maker

Girls Only

قبل قولدين قلوب، كان فيه حفل توزيع جوائز بيبلز شويس، من اللي جايين للحفل كانت إيل فانينق. بالنسبة لشخص أحبه أو أستظرفه، قليل أكتب عنها. يمكن لأنها صغيرة، و يمكن لأنها بعض المرات تختار قطع غريبة (بس تطلع ظريفة عليها خصوصا و هي بهذا العمر).

إيل كانت حاضرة و لابسة فستان من مجموعة شانيل لصيف 2013 الفستان مو هو المميز بالنسبة لي، الشيء اللي حبيته هو الظل اللي على عيون إيل. 

الشيء اللي يعجبني بهذي البنت، إنها تلبس من أفخم الماركات، لكن مع مكياجها (اللي ما كأنها حاطة مكياج)، كل لبس تلبسه يطلع مناسب مرة لعمرها. 

من فترة طويلة كنت أسمع عن ماركة سليك (ماركة مكياج "رخيص" بريطانية). فقررت إني أجرب شيء من عندهم. وشيء اللي اخترته هو علبة الظل حقتهم اللي اسمها i Divine أخترت الظل هذا لأني سمعت كثار يمدوحون ظلهم، الشيء الثاني كنت أحتاج مجموعة ألوان ظل فقررت آخذ وحده من علب الظل حقتهم. 

اللي أخترتها مو هذي اللي أنا حاطة صورتها اسمها respect  و هي إصدار محدود (مثل ما هم كاتبين بالموقع)، لكن لما شفت صورة إيل بالظل الوردي تذكرت سليك و قلت أروح أشوف لو كان عندهم وردي. 

غير أسعارهم الرخيصة تقريبا علبة الظل ب 40 ريال. ألوانهم مرة حلوة و تطلع على العين. فللوك زي هذا (يصلح لعمر 18 و أقل) و هم بالعادة ما عندهم فلوس يشترون من ماركات زي مايك آب فوريفير أو ماك. تكون هذي المجموعة فكرة حلوة لهدية أو حتى مكافأة تكافئين فيها نفسك، و تسوين زي إيل (عيون وردية). 

أما إذا كنت أكبر، أو ما تحسين أنك تقدرين تحطين ظل وردي، شيكي على باقي المجموعات فيه ألوان تناسب لكل أشكال المكياج (على ما أظن). 

شرايكم بالظل الوردي؟ ممكن تلبسينه؟ تحسينه بس يصلح لعمر معين؟

Best Dressed: January '12

السنة اللي فاتت 2011 قررت إني أسجل عندي أي لوك عجبني، علشان نهاية السنة أحط قائمة لأفضل الملابس و لا أنسى شيء ... بالآخر طلعت بمجموعة كبيرة مرة، و بطلت أكتب لأني عجزت أقلص القائمة.السنة هذي سويت نفس الشيء، لكن قبل يومين قررت بدل ما أجمعها كلها للأخير، و أبطل زي السنة اللي فاتت، قلت أحط استفتاء لكم كل شهر أنتم تقررون وش أحسن لبس لهذا الشهر، خصوصا يناير ما خلص.

إيل فانينق برودارتي:

فستان عباد الشمس كان عاجبني مرة من العرض، توقعت كريتسن دونست تلبسه، لكن إيل هي اللي لبسته، و طلعت بشعر مرة حلو، و وجه فريش.

كيري موليقان بلانفين:

للأسف ما فيه صور كثيرة لكيري بهذا الفستان، لكن فيه فيديو لها، يوريك قد إيش كان شكلها حلو، الفستان شكله غير الأشياء اللي بالعادة تلبسها كيري، أهم شيء عجبني كيف متموج.

روني مارا بفالنتينو:

تلكمت عن هذا اللوك قبل، بالنسبة لي ما زال أحسن لبس طلعت فيه روني، و هو أكثر لبس ملون لبسته لحد الآن.

رامولا قاراي بأليساندرا ريتش:

قلت قبل إن أليساندرا ريتش صايرة فساتينها مفضلة على الريد كاربيت. ما ألوم اللي يلبسها بأغلب الحالات طلعت أشكالهم حلوة، رامولا مو استثناء، لون لافستان مناسب لون بشرتها ... و شكله طالع حلو على جسمها.

تيلدا سوينتين بحيدر أكيرمان:
هذا اللوك بالنسبة لي كان من أحسن الأشياء اللي لبستها تيلدا سوينتين، لونه علي بشرتها مرة حلو، ذكرني بفستان من جان بول قوتييه تقريبا بنفس اللون لبسته كايت بلانشيت بعد لقولدين قلوب 2005.

كايت بوسورث بأنتطونيو بيراردي:
كل شيء بهذا اللوك يخليني أختاره، أولا الفستان، ثانيا الشعر (عجبني أنه مشدود على ورا)، أكثر شيء عجبني أنه كل شيء أحمر بهذا اللوك من الفستان للروج، و آخر شيء الجزم.

دايان كروقر بإرديم:
كثير أقول صعبة على ديان إنها تطلع بشكل مو حلو ... الفستان هذا من أكثر الأشياء اللي أعجبتني بعرض إرديم، لكن بالنسبة لي دايان حلته أكثر خصوصا مع شعرها، و كيف ماسك على جسمها.

روز بيرن بإيلي صعب:
تكلمت عن روز بالبوست اللي قبل هذا، عن أحسن ملابس جوائز ساق ... رجعت أكثر من مرة أشوف اللي جوا، و ما زلت أظن أنه روز كانت من أحسن من لبس بالجوائز، و بكل شهر يناير.

Elle Gives a Lesson

من زمان و أنا أقول إيل حلوه، و بتصير أحلى من أختها داكوتا ... ما خيبت ظني البنت هذاها قداكم أنتم شوفوا كيف صارت ... الي بأقوله هنا مو إنها حلوة. اليوم باتكلم عن كيف إيل تعلم بعض الناس كيف يلبسون (و تراني ما أقصد بس بالسعودية) :) إيل عمرها 13 و أنا من أمس شفت صورتها هذي يمهرجان فانيسيا و أنا مو قادرة أوقف ... كل شوي أرجع أشوف أحاول أطلع براسي كلام يقال عنه ... أخيرا طلع معاي الكلام وهو أنه كيف الواحد يلبس قد عمره و يحترم هذا العمر، لا يلبس لا أكبر و لا أصغر.

للي لسا ما شرت لبس للعيد و جالسة تفكر كيف تلبس طبعا من عمر 13 - 15 أو حتى 17 إذا كان شكلك صغير، بس يعني رجاءا مو أنت الي تقررين، و لا توهمين نفسك أنه شكلك صغير يعني من الآخر (الي شكله صغير يعرف من هو لا يتهبل أحد ثاني). المهم يلبس زي إيل فستان كذا قصير و حليو يعني يا كروهات زي فستان إيل الي من مارك جايكوبز (تراه كثير بالأسواق عند ماركات رخيصة) أو سادة لون ناعم أو فلورال ... مع شربات طويلة دانتيل و أبوات على حسب وش يناسب مع الفستان (أسود، بني، تان أو كونياك على حسب الاسم الي تسميه، عنابي زي إيل) يعني ألوان الجلد المعتداة لا تلبسين لي لون غريب و يخرب كل اللوك و ترى يصلح أبوات طويلة، يصلح زي إيل، و تصلح معاها جزم إكسفورد و بدرجة أقل أي فلات بلارينا.

للحقيقة ما أعرف وين ألقى الفساتين هذي بالضبط لأني ما ألبسها (عشان عمري مو 13) :) بس متأكدة إنها كثيرة بالسوق ... أما الشرابات إذا أحد مهتم و يدور وين يلقي هذا هو ما لقى بأقرب محل شرابات بس يطلب مني (يعني حطه رد) و أنا راح أعلمه عن مكان حلو :)